විදුහල්පති පණිවිඩය

2021 වර්ෂයේ ජාතික පාසලක් බවට පත් වූ මෙම විද්‍යාලයේ කටයුතු හැකි උපරිම අයුරින් මෙහෙයවමින් පළාතේ ජාතික පාසල් අතර ඉහළ ගෞරවයක් ලබන පාසලක් බවට පත්කිරීමේ අරමුණ පෙරදැරි කර ගනිමින් අධ්‍යාපන සංවර්ධනය මානව සංවර්ධනය හා භෞතික සම්පත් සංවර්ධනය මගින් ඉහල සාධන මට්ටමක් කරා රැගෙන යාමේ කර්තව්‍යයට දායක වීමට ලැබීම භාග්‍යයක් ලෙස සලකමි.
පාසල ආරම්භ වී වසර 125 ක් තුළ කණිෂ්ඨ විද්‍යාලය මහා විද්‍යාලය, මධ්‍ය මහා විද්‍යාලය යන අවස්ථා පසුකර 2021 වර්ෂයේ ජාතික පාසලක් බවට පත්ව ඇති මාර/නරවැල්පිට දකුණ මධ්‍ය මහා විද්‍යාලය 1 ශ්‍රේණියේ සිට 13 වන ශ්‍රේණිය දක්වා ශිෂ්‍යයන් ඉගෙන ගනී. මෙම ග්‍රාමීය දරුවන්ගේ ගුණ නැණ දෙකම ඉහල අගයක් කරා ගෙන ඒම අපගේ අභිලාෂයයි. ශ්‍රී ලංකාවේ විශිෂ්ඨතම පාසල බවට පත් කිරීමට විධිමත් විෂය මාලා ක්‍රියාත්මක කරමින් සැඟවුණු විෂයමාලා ක්‍රියාත්මක කරමින් ද නව තාක්ෂණික දැනුමින් පරිපූර්ණත්වය ලබා 21 වන සියවසේ ලොව ජයගන්නා විශිෂ්ඨයන් බිහිකිරීම අපගේ අරමුණ යි. ඒ සදහා මා සමග එක්වන නි.විදුහල්පතිතුමිය, සහකාර විදුහල්පති ස්වාමින් වහන්සේ හා අනෙකුත් සහකාර විදුහල්පතිතුමන් හා තුමියට ද ආචාර්ය මණ්ඩලයට ද අනධ්‍යන කාර්ය මණ්ඩලයට ද පාසලේ ප්‍රජාවට ද දක්වන සහයෝගය සතුටින් යුතුව අගය කරමි.